【後生仔傾吓偈】馮盈盈愛與男友互動多怪癖 幫對方抆鼻毛未算激
撰文：鄺鈺瑩
出版：更新：
馮盈盈同麥明詩都好喜歡咬嘴唇皮，聽到麥明詩話會欣賞塊皮，馮盈盈即時好特興奮咁話「由充滿水份到乾咗變脆卜卜……」當正係藝術品咁。（影片截圖）
一講到《後生仔傾吓偈》，就好自然會諗起充滿黃色底子嘅馮盈盈，最新一集以「怪癖」為主題，雖然佢無講甜故，但一樣係咁有衝擊性。今集圍繞的「怪癖」如咬嘴唇皮、撕倒刺等習慣，但FYY一出口，點會咁簡單，佢先係話自己好喜歡擠粉刺「見到白色嗰啲嘢噴出嚟」好有成功感，而有時為了擠暗瘡，更不惜手多多搞到粒瘡發炎變為「含膿版本」，之後佢更表示：「我同男朋友最親密的活動就係擠粉刺，佢真係好髒，好多寶藏可以亂擠……」情侶之間其實不時都有呢啲互動，但馮盈盈就將此舉動升級到「抆鼻毛」，唔係修剪而且直接用手抆，她更興奮表示要抆到連毛囊一拼拔起才算是成功……
之後講擠間瘡同粉刺，馮盈盈一樣咁興奮。（影片截圖）
基於麥明詩、陸號明等人都唔認為咬嘴唇皮、撕倒刺並非怪癖，所以馮盈盈又再自爆自己本身好鍾意閒男友胳肋底！無論係有味定係乾淨、甚至連男友都認為此舉係痴線，但馮盈盈照索可也。「我睇過啲研究話搵心儀對象，係睇下大家DNA夾唔夾，如果你好喜歡對方的體味就化代大家的DNA好夾……」馮盈盈似乎對呼真係好有研究，更指男朋友做完運動之外的胳肋底味同平時的味道好唔同，之後仲話「佢種味對我來說唔係臭。」唔係臭，咁一定係愛啦！
馮盈盈男友鍾文浩（Martin）曾是會考十優狀元，現職瑪麗醫院醫生。（ig圖片)
唔使講，馮盈盈即時成為怪癖王。