張家輝囡囡張童婷婷玉立想入行？　關詠荷爆：佢想做Youtuber

關詠荷（Esther）與張家輝嘅寶貝女兒張童唔經唔覺已經12歲啦，其實近年已經有好多星二代不斷入行，問到Esther如果女兒想入行都會唔會反對，Esther：「其實阿女都有問過我入行，佢係想嘅，（但妳同家輝反對）係呀，我地會反對，其實係佢年紀好細時，已經同佢講過叫佢唔好諗太多，但隨著年紀增長，佢見識多咗，父母又做呢一行。」似乎Esther都暗示唔會阻止女兒入娛樂圈。

現今好多年青人都會拍片放上網變Youtuber，Esther透露其實女兒都好熱愛上網睇Youtuber影片，佢都會上網學習人地做戲，Esther笑說：「佢宜家仲吸收階段，仲未有創作。」不過相信女兒拍片作為父母嘅一定會全力支持。