【深宮計】周秀娜出場耍劍英姿颯颯 被誤會爭竉:我係俾人恰㗎!
撰文:洪曉璇
出版:更新:
TVB劇集《宮心計2深宮計》播出以來,觀眾都有讚有彈,讚嘅除咗難得拉大隊到橫店實境拍攝,仲搵來不少外援演員,劉心悠由第一集起就出現,而另一位首次拍劇令網友相對期待嘅娜姐周秀娜,亦喺6月13號晚正式登場,雖然只得2分鐘,足以引起觀眾大讚好稱職好靚呀﹗
周秀娜於《宮心計2深宮計》中飾演鄭純熙,既是太平公主陳煒嘅外甥女,亦係一個心地善良、自小於溫室長大嘅千金小姐,尋晚一集佢喺樹林初會飾演唐玄宗嘅馬浚偉,兩人舞劍傾情,其後劇情就推進到陳煒將她當成棋子,放入宮中侍候皇上。
唔少觀眾都以為娜姐加入,會同人爭寵鬥餐死,但其實純熙係宮中清泉,跟坊間聯想剛好調轉,娜姐話:「我係俾人恰架,『純熙』好好人、好善良,但佢俾人害,之後嘅角色發展都好可憐,我拍嘅時候都覺得『純熙』慘,睇劇本時都會被感動。拍呢套戲我都用咗好多心機,啲台詞又難讀,真係要死背,喺呢方面要做足功課,希望觀眾會一路睇落去,都鍾意『純熙』呢個角色啦。」
+8