【深宮計】周秀娜出場耍劍英姿颯颯 被誤會爭竉：我係俾人恰㗎！
撰文：洪曉璇
出版：更新：
《宮心計2深宮計》搵來兩位TVB稀客，劉心悠及周秀娜加盟。（周秀娜IG）
TVB劇集《宮心計2深宮計》播出以來，觀眾都有讚有彈，讚嘅除咗難得拉大隊到橫店實境拍攝，仲搵來不少外援演員，劉心悠由第一集起就出現，而另一位首次拍劇令網友相對期待嘅娜姐周秀娜，亦喺6月13號晚正式登場，雖然只得2分鐘，足以引起觀眾大讚好稱職好靚呀﹗
等咗咁耐娜姐終於出場啦﹗（影片截圖）
周秀娜於《宮心計2深宮計》中飾演鄭純熙，既是太平公主陳煒嘅外甥女，亦係一個心地善良、自小於溫室長大嘅千金小姐，尋晚一集佢喺樹林初會飾演唐玄宗嘅馬浚偉，兩人舞劍傾情，其後劇情就推進到陳煒將她當成棋子，放入宮中侍候皇上。
劇中陳煒安排娜姐入宮，同皇后胡定欣爭竉鬥個你死我活，戲外其實好Friend架。（周秀娜IG）
唔少觀眾都以為娜姐加入，會同人爭寵鬥餐死，但其實純熙係宮中清泉，跟坊間聯想剛好調轉，娜姐話：「我係俾人恰架，『純熙』好好人、好善良，但佢俾人害，之後嘅角色發展都好可憐，我拍嘅時候都覺得『純熙』慘，睇劇本時都會被感動。拍呢套戲我都用咗好多心機，啲台詞又難讀，真係要死背，喺呢方面要做足功課，希望觀眾會一路睇落去，都鍾意『純熙』呢個角色啦。」
雖然因為TVB同老闆蕭定一糾紛，未能參與宣傳活動，不過娜姐都呼籲大家要多多支持佢嘅處女劇集演出呀。（周秀娜IG）
+8