【大阪地震】傅嘉莉睇新聞稱「好得意」被轟 刪Post道歉：對唔住
撰文：洪曉璇
出版：更新：
傅嘉莉（Kelly）正同阮小儀、金剛、衛志豪及攝製隊身處日本，拍攝新一輯《街坊廚神》。（傅嘉莉IG）
6月18日早上7時58分左右，日本大阪發生6.1級地震，已經造成多人傷亡，情況令人擔憂，身在當地嘅人亦紛紛報平安。傅嘉莉（Kelly）正同阮小儀、金剛、衛志豪及攝製隊身處日本，拍攝新一輯《街坊廚神》，地震過後佢地都有上社交網站報平安，Kelly仲拍咗幾段片放上IG Story，亦因此而失言。
Kelly於IG上載多張相片及短片，講述日本地震後情況。（傅嘉莉IG）
Kelly上載多段有關地震嘅短片，等網友更清楚當地情況，不過其中一段影住電視畫面嘅片段聽到Kelly話：「好得意呀啲新聞，畫面喺度震㗎，好搞笑，我哋頭先應該係feel到……」由於是次地震已造成多人死傷，Kelly以「好得意」形容今次天災被炮轟冷血。佢得知失言馬上刪除呢段片，並公開道歉話：「對唔住！引嚟咁大的誤會，係我唔識表達，唔夠智慧，無危機意識。之後再睇新聞知道有傷亡，先意識到這是一場很嚴重的天災…天佑大阪」
睇地震新聞講句好得意，Kelly好快知自己失言公開道歉。（傅嘉莉IG）
+2