陸浩明大阪成功上車收5釐回報 難忘和Ben Sir林穎彤浸浴包到冚
撰文：朱奕錦
出版：更新：
由歐陽偉豪（Ben Sir）、陸浩明（6號）、林穎彤（Bella）、季蘋蘋、麥美恩等主持的《Ben Sir睇樓團》由香港看到日本、台灣，為觀眾帶來不少資訊，今日（23日）6號出席一個日本物業投資的活動時，直言在拍攝過程中獲益良多：「譬如香港500萬妳買到最多可能係200呎嘅劏房啦，但係喺日本可以買到一個溫泉旅館，你仲可以經營埋佢做老闆，而郊區20萬會有個3、400呎嘅單位囉。」
6號拍攝《Ben Sir睇樓團》獲益良多，直言500萬可以在日本買一個溫泉旅館兼做老闆（梁碧玲攝）
6號笑言看到好多不同的樓盤都流口水，不講不知，原來他已經在日本成功上車：「好開心，我喺大阪搵咗一個House嘅單位，攞嚟放租，回報都唔錯，有成5釐度囉。」6號指他和父母都認同買磚頭好過買股票，長時間放在那裡，好似做基金做定期一樣，每月有固定的回報。
但是一講到香港買樓，6號就大呼好困難，每個月的價錢都不停上升：「我自己都好想喺香港買，咁所以要努力賺錢囉。」
6號大阪成功上車，但在香港買樓仍有困難（梁碧玲攝）
怎麼說都拍了幾季《Ben Sir睇樓團》，大大小小看過不少樓盤，6號自然積累了一些睇樓的經驗，所以身邊不乏有朋友向他咨詢：「日本嗰啲譬如你鍾意北海道，可以喺滑雪場附近買，因為除咗自己買之外，放租嘅租金都幾好嘅，如果滑雪旺季，都好似成5、6千蚊一個房，日本靚嗰啲酒店，可能一個度假村你租4、5個人，可能一晚都過萬蚊。」6號坦言賺錢這麼辛苦，都想幫朋友找一條出路去投資，聽落又真是抵過香港好多。
講起拍攝的難忘事，6號直言：「我同Bella、Ben Sir去溫泉浸浴囉，咁通常我哋諗住大家會唔會除晒泳褲，Bella會唔會好sexy呢？結果我哋係三個一反傳統嘅，係包到最實嘅主持去浸嗰個溫泉囉。」6號笑言要「保守」住自己的兩點，而Bella向來都是玉女形象，Ben Sir為人師表就比較傳統啦。
6號為朋友提供日本買樓意見，笑言難忘和Ben Sir、Bella日本浸浴包到實（梁碧玲攝）