母語係講國語嘅劉心悠，早前首次挑戰廣東話電視劇，仲要係對白極艱澀的古裝宮鬥劇，好老實講，如果唔係有字幕，真係唔係好聽得明，不過心悠BB咁靚女，就算讀到一粒字都聽唔明，都唔緊要啦，靚女係大晒㗎嘛！

雖然被網民取笑廣東話唔正，不過心悠BB 一向都好鐘意挑戰自己，日前佢就喺專頁Share咗條片，片中嘅佢自稱是流心悠老師，以《宮心計》元玥的燕北口音，教大家三個廣東話急口令，包括「郵差叔叔送信純熟迅速送出」、「床腳撞牆角，牆角撞床腳，你話床角撞牆角定牆角撞床腳」、「去街市買魚腸，見到姨丈，放低魚腸，問候姨丈，執翻魚腸，拜拜姨丈」。

心悠用「燕北口音」口音讀出急口令，真係好搞笑，再加上佢不斷讀錯，不斷再努力嘗試，真係令人十分佩服！