劉心悠用元玥「燕北口音」挑戰廣東話急口令 「姨丈」變「儀杖」

撰文:
最後更新日期:

母語係講國語嘅劉心悠,早前首次挑戰廣東話電視劇,仲要係對白極艱澀的古裝宮鬥劇,好老實講,如果唔係有字幕,真係唔係好聽得明,不過心悠BB咁靚女,就算讀到一粒字都聽唔明,都唔緊要啦,靚女係大晒㗎嘛!

劉心悠首次挑戰廣東話電視劇,古裝宮鬥劇《宮心計2深宮計》,對白極艱澀,因為廣東話不是心悠母語,所以大家都唔係好聽得清楚佢講咩。

雖然被網民取笑廣東話唔正,不過心悠BB 一向都好鐘意挑戰自己,日前佢就喺專頁Share咗條片,片中嘅佢自稱是流心悠老師,以《宮心計》元玥的燕北口音,教大家三個廣東話急口令,包括「郵差叔叔送信純熟迅速送出」、「床腳撞牆角,牆角撞床腳,你話床角撞牆角定牆角撞床腳」、「去街市買魚腸,見到姨丈,放低魚腸,問候姨丈,執翻魚腸,拜拜姨丈」。

心悠真係要靠九牛二虎之力先讀完三個急口令挑戰。(影片截圖)

心悠用「燕北口音」口音讀出急口令,真係好搞笑,再加上佢不斷讀錯,不斷再努力嘗試,真係令人十分佩服!

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。