即將卸任嘅港姐季軍黃瑋琦〈Emily〉今日(17日)就同岑杏賢、翟威廉、許家傑、林師傑一齊為明珠台全新偵探美劇《直覺追兇》宣傳。佢哋更即場進行「四覺大比拼」遊戲，測試各人嘅視覺、味覺、嗅覺以及觸覺嘅靈敏度。喺Emily玩恐怖箱測試觸覺嘅時候，大會司儀陸浩明就特登大叫嚇Emily，搞到Emily花容失色，場面相當搞笑。

對於Emaily卸任後決定唔續約離開TVB，佢就話:「因為我因為想返美國生活，呢一年我喺香港有好多機會，公司俾咗好多機會，所以無令我後悔過。而且參選港姐，真係令我細細個嘅夢想成真，同埋又學咗中文。」

雖然Emily就自言美國嘅生活比較適合自己，但佢亦相當感謝公司呢一年嘅栽培:「其實我覺得公司係好鍚我，因為都好多機會，我哋都傾咗多次，但我覺得人生要由自己決定，雖然有唔捨得但都要為自己決定。」

Emily透露返美國前會爭取時間去旅行抖一抖，而自己亦暫未打算繼續留喺喺娛樂圈發展，將會重操舊業，從事有關時裝有關嘅工作。