【BB來了】「金牌陪月」楊卓娜自稱巴渣 刻意處理聲線避免刺耳

撰文:
最後更新日期:

TVB熱播劇集《BB來了》因為劇情夠晒貼地,獲得唔少好評。楊卓娜飾演嘅「金牌陪月」更加因為手法純熟,被網友大讚,甚至有網友留言話要搵個好似楊卓娜嘅女人做老婆添!

卓娜話為「金牌陪月」呢個角色落咗唔少苦功!(資料圖片)

楊卓娜為角色上堂學陪月 楊怡想生B一定幫到手

角色貼近真實性格 自稱缺點多:只係大家睇唔到

卓娜接受電話訪問表示感謝大家支持:「今次角色係一個好體貼和細心嘅女人,這方面其實和現實生活中嘅我比較相似,但其實我都好多缺點,只係大家睇唔到,再次多謝大家欣賞我。」對於自己在劇集中溫柔的聲線俘虜一眾網友,卓娜就笑言在呢一方面的確下了唔少苦功:「其實我講嘢平時好巴渣,識我嘅人就知只要我一興奮,把聲就好響,所以我要適當去處理我嘅聲線,如果唔係好容易好刺耳。」

卓娜同李佳芯演得咁好,難怪網民都like爆。〈《BB來了》劇照〉

為配合角色淡妝上陣

平時除了拍劇同湊女,卓娜亦好注重皮膚保養,佢亦經常在自己嘅facebook分享日常保養心得。除了護膚,卓娜建議大家多做運動,多休息和飲食均衡。對於今次角色好多時都要淡妝上陣,保養得宜嘅卓娜反而覺得是一個大福利,佢笑言:「一個舒適嘅造型對角色都好有幫助,會比較自在。所以我自己都有花心思同造型師傾過點樣嘅造型先可以畀觀眾一個溫暖嘅感覺。」

皮膚夠晒白滑,卓娜話飲食都好重要!〈楊卓娜facebook照片〉

暑假孖好姊妹去旅行

雖然最近劇接劇做到無停手,但卓娜透露會趁暑假會與圈中嘅好姊妹帶埋小朋友去旅行:「其實我平來計劃好暑期去旅行,但好唔好彩準備訂機票和酒店嘅時候劇組已經Mark晒期,令我暑期得返一個星期嘅時間。但今次就會和陳爽和張韋怡去熱帶地方帶小朋友一齊去玩。」

卓娜身材都keep得好fit!

未計劃再生B:我冇呢個勇氣!

2009年,卓娜下嫁「廣告燈箱大王」楊志翹後,除咗要照顧親生女兒舒然之外,亦視如己出照顧兩名繼女。卓娜要兼顧事業和家庭,忙得不可開交,被問到有沒有生B計劃,卓娜都坦言沒有勇氣再生:「因為去照顧、培養和教導一個小朋友都需要好多心機。錢都係其次,陪伴嘅時間真係好緊要,因為唔想錯過小朋友成長嘅每一個階段。其實雖然我好忙,但我每一晚都要返屋企去睇佢,就算我唔係佢身邊,我無幫佢蓋被,但都會好焦急,好擔心佢會凍親。飲食上,我就反而唔太擔心,每日食啲乜,工人姐姐太概都識煮。而且爸爸一定無媽媽咁細心,所以在這方面我會特別緊張。除咗讀書、教養和陪伴,照顧小朋友日常生活都好重要。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。