熱播劇集《BB來了》結局篇，講到黎諾懿因一次意外中勇救小孩而成了港媽心目的「絕世好爸」，繼而成為紅爆網絡的KOL。近年，湊B已經不再是媽媽的專利，唔少爸爸都會在網上分享湊B心得，當中亦有唔少「奶爸」受到網友追捧。

南韓代表：超長腿Oppa John Wayne Kim

當中最有型，一定係擁有192cm高的韓國Oppa John Wayne Kim，本身做模特兒嘅John雖然只得24歲，但照顧起囡囡JiAhn亦相當有板有眼。John經歷過一次失敗的婚姻，很長一段時間都是獨自照顧囡囡，所以佢IG上9成都係自己同囡囡甜蜜合照。成為網紅後，很多人開始關注這對父女，還有很多女粉絲想要報名，JiAhn的媽媽，但好可惜John已經有女友了。「最萌身高差父女」係IG成功吸納超過5萬4千嘅粉絲！

泰國代表：男星Mike

喺內地一夜爆紅的泰國男星Mike曾在真人秀《中餐廳》客串，唔止連趙薇也被佢迷倒，Mike更加搶晒黃曉明的風頭。爆紅之後，粉絲就發現原來未婚的Mike已經有個三歲的仔仔。當時Mike得知前女友懷了自己的BB時，他就開始做好當爸爸的準備並在兒子出世後，就召開記者會公開自己已經有了BB，並承諾會承擔這個責任，見到Mike咁負責任，仲不時喺IG分享自己湊仔日常，令Mike擁有超過230萬粉絲！

台灣代表：Nico品筠&Kim京燁【那對夫妻】

網紅「Nico品筠&Kim京燁【那對夫妻】」經常在社交網站上分享一家人搞笑又溫馨的影片而在網路上累積高人氣。爆紅之後，爸爸Kim除咗會同品牌合作拍片，除了自己出單曲外，早前仲獲邀同陳曉東合唱，最近Kim仲帶埋囡囡妮妮返大陸參加親子綜藝節目《童話俠》，開始搵埋人仔添。那對夫妻現時淨係喺FB已經有超過249萬粉絲，暫時領先一眾奶爸。

以上三位同自己仔女嘅互動超級溫馨，難怪會吸粉無數喇！