20位港姐後選佳麗為無綫節目《後生仔傾吓偈》進行錄影。麥明詩、馮盈盈這對孖公仔好姐妹，一定旁敲側擊呢20位後選佳麗的感情事，19號楊帆（Krystal）表示：「上呢個節目都唔會好緊張嘅，可以同兩位咁靚嘅前港姐冠軍做節目好開心好難得，如果佢哋問到我啲感情事，我都唔介意，因為唔多可以Share下，交流下經驗嗰啲，其實都好簡單，都喺學生時期。」

「香港小姐競選」總決賽將於8月26日盛大舉行，一眾候選佳麗，當日必然要接受司儀的提問。Krystal從貴州來香港讀書已有4年，但係講廣東話就唔係好流利啦，怕唔怕當日競選講說話發錯音讀成「粗口」呀？「我好驚㗎其實，所以而家少講嘢喇，唔好講太多嘢，講得啱就ok喇，見好就收啦，有時候自己發錯音，講咗啲粗口，我係唔知，佢哋會知喺度笑，我就會察覺自己講錯嘢，所以一有時間就會同啲佳麗學講廣東話，返到屋企都會睇新聞學讀發音，希望到時會有進步啦。」