【走進世界各式天牢】65歲連環殺人魔入獄 竟獲26歲少女主動追求
撰文：鄺鈺瑩
出版：更新：
殺人魔曾令9人坐冤獄，其中一名男子更背負殺害親生女兒罪名，於獄中自殺，但佢接受訪問時，似乎都毫無悔意。
Netflix節目《Inside the World's Toughest Prisons》(中譯：走進世界各式天牢）嘅主持Raphael Rowe，早前曾在英國因搶劫、殺人被判終生監禁，但坐咗12年監後被無罪釋放。節目中，Raphael Rowe先後深入巴西、烏克蘭、新畿內亞嘅監獄，再一次體驗囚犯生活，點解要咁做？相信只有佢自己先知。
家屬留守囚房有齊家電、生活用品、廚具（包括刀），殺人魔話獄警每小時都會巡邏，以確保家屬仍然生存。
喺烏克蘭日托米爾(Zhytomyr)監獄中，Raphael Rowe遇上了環殺人魔Sergey Tkach，現年67歲嘅殺人魔由80年代開始犯案，受害人從8歲到18歲都有，殺人、姦屍、連朋友嘅女兒都唔放過，最癲係殺完人之後去參加死者葬禮。由於Sergey Tkach曾任職警察，有刑案鑑定經驗，犯案20年均令警方束手無插。於審訊時，Sergey Tkach堅拒對死者道歉，但就要求法官判處死刑，不過，由於烏克蘭已經廢除死刑，所以佢最終得到無期徒刑。
拍攝期間，殺人魔同老婆不時親熱，Raphael Rowe似乎有少少反感，並不停嘆氣，相信佢係因為唔理解點降呢名26歲女子會對殺人魔咁愛。
因為太窮嘅關係，所以烏克蘭政府經常會特赦重犯，所以日托米爾監獄完全唔會有人滿為。
同巴西監獄一樣，烏克蘭日托米爾監獄亦設有探監日，家屬每兩個月就可以留宿監獄三日，Raphael Rowe同殺人魔夫婦會面時，問到對老公曾經有多次殺人姦屍的行為，Elena Tkach就話：「我不相信有那麼多，而且那對我不太重要。」她又指出發現自己懷孕時，感覺十分幸福，但由於女兒是在俄羅斯出生，家人以官員都唔允許，令到殺人魔一直未有同女兒見面。呢個咁奇怪嘅對話，Raphael Rowe直到離開監獄之後都唔敢相信係發生過。
一齊參觀吓可能係東歐國家最窮嘅監獄有啲乜。
+3