TVB 咪神張曦雯上圍大縮水？ 大方認平時有加工
撰文：冼燕珊
出版：更新：
TVB 咪神張曦雯昨晚（8日）到灣仔出席程瑤旗下公司30周年晚會，以黑色低胸透視裝現身，本身擁有34C的Kelly，上圍比起平時好似縮咗水，Kelly大方承認因為平時有加Pad 墊高啲，但今次件衫太窄，所以加工唔到呀！
張曦雯昨晚出席活動上圍大縮水，佢大方承認平時有墊Pad，令身材望落好啲。
Kelly說：「今日唔可以塞咁多嘢喺入面，因為塊布比較窄，所以今次就無乜加工，平時會有多啲Support，咁樣身材線條會好睇啲，其實都係睇返著咩衫，同埋想要咩效果，今日嘅造型比較型格，咁平少少會型啲。」不過Kelly都話平時游水都唔會墊太多Pad，因為驚游游吓跌啲嘢出嚟，不過又唔係完全唔墊喎，墊少啲咁啫。
平時Kelly 相當有睇頭。(IG圖片)
其實Kelly真係幾真性情，雖然外表優雅高貴有氣質，好似令人高不可攀，但行為又非常貼地，自稱行為麻甩嘅Kelly，會喺網上直播打機，亦會真情流露大爆粗口，不僅收獲男粉絲，Kelly毫無忌憚嘅真性情連女仔都鐘意。
Kelly外表高貴優雅，但內裡很貼地很麻甩，男女通殺。(IG圖片)
+2