【機場特警】張振朗演機場特警狂操肌:凌晨兩點摧殘自己個body

撰文:
最後更新日期:

《牛下女高音》演員食煞科飯。

張振朗昨晚(1/9)現身無綫劇集《牛下女高音》在尖沙咀煞科宴。張振朗表示在劇中有場比較深刻戲份,講述自己以為日後都會見唔到心穎,在尖沙咀大街爆喊。「喺我拍呢套戲時,用幾個月時間,去令自己投入呢個角色,讓對手變成自己嘅女朋友,當佢要離開我嘅時候嗰種傷痛,我就不期然係咁喊,當時條街好多人圍住我,睇住我演呢場喊戲,最終一take過,自己都幾開心可以挑戰到自己。」

張振朗叫阿Bo多啲休息,唔使掛心《美女廚房》拍攝工作,有佢同蕭正楠頂住(葉志明攝)

《牛》剛煞科,振朗緊接住拍無綫新劇《機場特警》,看來振朗身型比之前還要Fit。「我接呢套劇時知道要做機場特警,所以在拍緊《牛》時,已經開始操練,每晚拍完都凌晨收工,凌晨兩點鐘都會操肌到四點,玩兩粒鐘健身,盡可能有幾咁辛苦得幾咁辛苦,去摧殘自己個body,喺飲食方面盡可能低糖低脂,減少食「肥膩」嘢,我又唔係要練到張繼聰咁大隻,希望拍出嚟自己身型冇咁差啫。」

張振朗表示新劇《機場特警》會拍攝到11月份,當中又要拍攝《美女廚房》,雖然係忙,但真係好難得有咁嘅機會(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。