唔少藝人都會喺社交網站同大家分享自己嘅童年照，而呢位眉清目秀、雙眼炯炯有神，斯文長相中又透露陣陣書卷氣嘅小朋友，大家又估唔估到係邊個呢？

無錯，呢位小朋友就係…姜皓文〈黑仔〉。黑仔日前就喺facebook上載自己的童年照同粉絲一齊回顧當年。1986年，黑仔參加亞視舉行嘅第一屆《電視先生選舉》，贏得亞軍和「才華先生」，成雙料得主入行。Man到爆嘅黑仔演過唔少古惑仔同員警角色，粗獷的形象深人民心。所以，童年的黑仔生得咁青靚白淨，確實令人難以想像。難怪唔少網民都忍唔住留言「小時候這麼帥這麼白」、「好好看！！！！」、「靚仔黑」同「你後生陣時唔錯哦」大讚黑仔啦！

近年戲接戲做到無停手嘅黑仔今年再跳入公仔箱，首次接拍TVB的劇集《鐵探》，喺劇中飾演臥底嘅黑仔除咗有唔少動作戲，大展身手之外，佢更話「要遇到一個好角色比中大獎更加渺茫，今次我可能又遇到了⋯⋯」嚟形容今次的角色，確實令人期待。