張新悅三招極速瘦身 做媽咪身體健康最重要
撰文：賴家杰
出版：更新：
張新悅（Nicola）今天（6日）出席時裝設計比賽活動，Nicola直言今天活動十分有意義：「大家都知道我好支持環保同撐可持續性發展嘅事，今日呢一個比賽係好多設計師會用環保或者舊衫嚟設計去比賽，我每年都會嚟支持。」問到藝人常常穿一次衣服就不再穿著，Nicola如何處理這個問題？「借囉，好多衫我都係去借，衫褲鞋我都會去借，我覺得有用嘅，幫下品牌宣傳又唔洗放係屋企冇位擺。」
張新悅（Nicola）透露平常好慳家，唔會買名牌手袋，但同其她女人一樣，都係鍾意購物。（葉志明攝）
而Nicola生完第四胎後，也用了兩個月時間極速瘦身，成效非法顯著，問到Nicola如何極速瘦身，會有秘訣？「我覺得宜家做媽媽好好，以前做媽媽要靠自己，但宜家好多瘦身公司會幫我哋設計瘦身療程，我自己亦搵一間公司幫我，做三個過程，第一餵人奶，可以幫我上人奶，令到我唔洗太辛苦，細節我唔詳細講，但其實餵人奶可以好辛苦，第二件事係子宮收復，因為女人生得多子宮有機會下墜，尤其我生咁多，所以要收復，第三當然要苗條，苗條唔係為咗只係苗條，其都係要將內臟移番正確位置，都內臟定形，其實係健康嘅，我心諗點解我以前唔知道，宜家先做希望唔好太遲。」
Nicola平時會好著重教導家中女兒環保，會不斷提醒佢哋。（葉志明攝）
再問到Nicola其實現在照顧剛剛出生的女兒，是不是沒什麼難度？Nicola坦言很熟手了：「我今次諗係諗點照顧自己，因為始終年紀唔細，生咗四個，骨骼對我體魄有影響，我成日同自己講，照顧還照顧，仲要照顧一世㗎，我每日都提醒自己，因為做媽媽好偉大，有時候照顧到自己身體都冇注意。」
Nicola宜家照顧女兒同時都會著重自己身體，因為要一個健康身體先可以照顧好佢哋。（葉志明攝）