擲千萬「升呢」做老闆獲家燕姐撐場 羅霖心痛:唔想佢舟車勞頓!

撰文:
最後更新日期:

53歲涷齡美魔女羅霖(Candy)最近與美容集團合作做生意,醫學美容院尖沙咀新店今日(15/9)開張,得到各方好友到場支持,薛家燕神秘到賀,令Candy大為感動:「估唔到家燕姐會嚟好感動,因為我知道佢早前拍攝節目,要採排跳舞整傷咗,叫佢唔好嚟,應該喺屋企休息下,唔想佢舟車勞頓,真喺好多謝佢咁支持我。」

Candy表示暫時美容院做好香港市場先,期望可以進軍內地市場(黃國立攝)

開醫學美容的計劃,羅霖表示其實自己一直想了很久,不過講到坐言起行,反而是「一時衝動」── 與生意拍檔商討,前後只花了10日時間籌備。「由簽約拍廣告加開張,呢十日時間真喺好忙,好多謝啲朋友咁支持我,一通知佢哋,就即刻支持,通常要一個月前通知佢哋,但今次用咁10日時間,就有咁多嘉賓到場,好多謝佢哋咁錫我。」

醫學美容院尖沙咀新店,總投資額1000萬。(黃國立攝)

過往拍攝美容廣告前,需要一個月事前準備做運動,調節飲食,以最佳狀態拍攝,羅霖今次有點不同:「時間上我真喺冇任何準備,因為較早前做過手術,所以比較瘦,但拍攝出嚟效果好好,腰圍依家都仲有23吋,不過遲啲身體覆完之後,我又要再操番,哈哈。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。