【嫁到這世界邊端2】陳貝兒節目講離婚:當時好唔習慣一個人

撰文:
最後更新日期:

陳貝兒主持的TVB真人騷《嫁到這世界邊端2》每集都令觀眾眼濕濕,第三個登場的港女毛毛為「愛」,甘願養瑞典老公十二年,對另一半無私的付出,的確不是人人做到。節目最新一集,講到毛毛苦盡甘來,正積極學瑞典文融入當地生活。當中,陳貝兒向毛毛提到自己經歷婚姻失敗時的感受,令人感到心痛。

陳貝兒在節目講到經歷婚姻失敗時的感受。(電視截圖)

【嫁到這世界邊端2】瑞典人妻澄清沒棄女:佢而家21歲有自己生活

過着幸福少奶奶生活的毛毛不僅在當地重拾自己的興趣,還認識不少來自世界各地的朋友。毛毛還帶攝製嫁在當地逛超級市場、釣魚、野餐和參加北歐的傳統節慶活動─仲夏節,與當地的居民一齊慶祝夏季的到來,玩得不亦樂乎。

毛毛帶陳貝兒感受當地生活。(電視截圖)

+8
+7
+6

去到節目尾聲,毛毛分享自己經歷婚姻失敗的體會時,陳貝兒亦有感而發,講到自己當初與前夫分開時的感受,陳貝兒哽咽地說:「我記得我嗰陣時,即係離婚之後。有段時間我都對自己失去晒信心,放工返到屋企,一打開道門。我已經...係好驚返屋企,因為返到屋企就一個人,唔習慣一個人去...食餐飯都係。」毛毛當時亦安慰道:「突然間自己一個人你會覺得好孤單,又覺得好寂寞,但呢段時間你唔會維持好耐。」

二人在長椅上盡訴心中情。(電視截圖)

陳貝兒再講到:「可能我個人比較易捱,突然間身邊冇咗個人嘅時候,好似無咗個重心咁。然後我就發現,呢個可能係個天想我上嘅一堂課。喺嗰段嘅訓練期間,我就真係覺得自己成長咗。到而家慢慢行返出嚟嘅時候,好老土嘅一句,上帝關了一道門,就會開另一道門給你。其實一次婚姻失敗,雖然有啲人會覺得係一種失敗,但其實我覺得係學習嚟。亦都唔會阻止第二次、第三次更勇敢去愛。」

重提離婚時的心情,陳貝兒不禁流淚。(電視截圖)

重提離婚一事,陳貝兒接受《香港01》訪問時表示:「其實我而家冇唔開心啦,係講返之前啫!我覺得婚姻嘅唔如意,唔係一個失敗。反而係一個學習,亦都唔會阻止我繼續相信愛情。」陳貝兒更笑言:「其實好多人仲懷疑我成年係咪都係咁唔開心,其實真係唔係。我媽咪Daddy都好擔心我,佢哋叫我唔好成日喊,但其實真係冇,佢哋差啲要帶我睇醫生,真係好擔心我。(咁佢哋有冇催你拍拖?)冇呀,我而家好開心同埋工作好忙,又要上堂學法國甜品,生活好充實。」

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。