岑麗香34歲生日老公整愛心早餐 12月飛夏威夷旅行：夢想成真！
撰文：朱奕錦
出版：更新：
岑麗香今日（17日）以一套淺藍色西裝出席藝術體驗館開幕活動，小時候曾經學過畫畫的香香，對藝術展覽都相當有興趣，還現場同一班小朋友為畫作填色，令她也有些感悟：「最近我發現喺畫畫方面，已經畫咗個畫，自己填色呢，其實有一個好舒服嘅感覺，都鍾意試下嘅。」不少藝人都喜歡收藏藝術品，不過香香表示小時候多些，現在就鮮有，笑言「香港地方細啲，冇咁多位擺。」
香香直言好鍾意畫畫，現場同一班小朋友為畫作填色。（葉志明攝）
其實今日是香香34歲牛一，老公強強更一早表達自己的心意：「今朝起身嘅時候，有人已經整咗一個牛油果煎蛋早餐畀我食。」言語間相當sweet。至於如何慶祝，香香則說：「而家我都好簡單㗎啦，上個星期同我班姊妹慶祝啦，同事過嚟我屋企幫我get ready嘅時候，送咗一個surprise蛋糕畀我，又有得開工啦，所以已經覺得好滿足，好有福氣。（夜晚同強強食飯？）睇下點囉，不過我覺得而家我都唔需要太多嘅，簡單已經OK㗎啦。」
今日是香香34歲正日生日，她坦言想簡簡單單過就已經OK，有老公準備早餐、同事送驚喜，而且有工開，已經覺得好滿足。（葉志明攝）
早前香香話去想去夏威夷，如今達成所願：「呢個夢想真係成真喎，12月有得去。（過埋聖誕？）到時睇下咩時間囉。」原來強強已經買定機票，香香還興奮地表示：「呢份就係生日禮物！」眼見身邊的好姊妹都相繼陀B，一向好喜歡小朋友的香香今次去度假之餘，會不會順便造人呢？「向住呢個方向發展」香香羞澀地說。
+2