吳若希疑與老公出現問題:婚姻中的忍讓不是必然

撰文:
最後更新日期:

社交網站嘅出現,將人與人之間嘅距離拉近,即使好少見面甚至素未謀面,透過網上分享嘅相片同留言,都好似可以窺探一個人嘅內心世界一樣。吳若希一向活躍於社交平台,雖然已為人妻人母,但其實佢都只係個26歲嘅女仔,同時下年青人一樣敢於喺網上發表感受,亦從不介意分享同老公何兆鴻(Alex)嘅生活點滴。

雖然只得26歲,但吳若希已經為人妻人母。(吳若希IG)

Jinny 喺12號晚於網上留言話:「一根刺,種下後會慢慢發芽,到它長大後,會變成刀,婚姻中的忍讓不是必然,現實不是宮廷劇,夫妻關係也不再是日月存亡。對不起,我不認同妻子要為不愛(不懂愛)她的男人卑躬屈膝。」雖然佢係Share自己主唱嘅《如懿傳》主題曲《日月存亡》MV,看似講緊隻歌,但唔少網友都揣測佢同老公係咪出現咩問題。

呢段留言又真係幾可圈可點。(吳若希Facebook)

睇返Jinny嘅IG,對上一次有老公出現嘅POST係1月25號,Alex幫囡囡著鞋嘅相片。而佢老公Alex就喺1月中post過一張合照,仲sweet爆留言話:「跟我走,就這樣走到下輩子。」「早前Jinny被指喺網上警告老公嘅客戶「齋吹水、冇行動的客人、不要再打給我老公。」有指因此斷老公財路,唔知同呢次留言有無關係呢?

Alex喺一月中上載呢張拖住老婆嘅相片放閃。(Alex Ho IG)

Jinny對上一張有老公嘅post,係1月25號影住兩父女嘅溫馨互動。(吳若希IG)

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。