【不老傳說】憶述焦慮症經歷 韓馬利:我好明白病人嗰種需要!

撰文:
最後更新日期:

由「輕鬆代表」鄧梓峰以及陳芷菁主持的無綫節目《不老傳說》最新一集(2月23日播出)邀請到64歲的韓馬利做嘉賓,還分享了多年前她患上焦慮症的經歷,她說:「有一日我食飯手震,震到不得了,個心跳得好緊要、窒息、唞唔到氣、成身出汗、同埋好驚、好慌,你問我驚咩?我真係唔知驚乜嘢,個感覺就好似突然間去咗個好深、好黑忟忟嘅洞入面、曾經最嚴重嘅係連沖涼都唔到。」之後她才發現,這些是Panic Attack(驚恐發作),原來是「焦慮症」的癥狀。

韓馬利其實是舞蹈員出身。(電視畫面)

好彩我無睇任何醫生!
焦慮症康復者韓馬利

焦慮症病癥難判斷 疑似幻聽心跳加速兼窒息

韓馬利表示,起初除不斷受到各種癥狀困擾之外,還會有疑似幻聽出現:「會聽到一啲聲音,話你冇鬼用。」當出現心跳加速、窒息、出汗等情況,有很多人都會以為自己是生理上有事,所以會選擇去向普通科醫生求醫,但結果通常都是身體健康並無大礙,韓馬利說:「好彩我無睇任何醫生,第一時打咗電話畀我教會一個臨床心理學家嘅姊妹,先知道自己患咗初期嘅焦慮症。好多人好驚去睇精神科醫生,會以為自己係黐線而唔肯去睇,最後變咗個病就愈嚟愈嚴重。」

韓馬利表示,做運動對焦慮症有莫大幫助,除了會令身體產生快樂的安多酚之外,亦同能夠將自己的注意力集中在運動上,以免經常胡思亂想。(電視畫面)

聆聽者的重要性

正所謂心病還需心藥醫,韓馬利經過好姊妹的幫助後,認清了給自己太大壓力的事實,並學習到懂得拒絕的技巧,韓馬利:「我唔想喺人面前話我唔得,如果我做唔到我就會好嬲我自己,所以呢啲係我哋嘅負面情緒,佢就話畀我聽,我要接受一樣嘢就係,有啲嘢一定係做唔到,我要話畀人聽 我係唔得。」
然而,當一個患有焦慮症的人,從正面聽到例如「「其實係你自己太忙啫」,「你畀太大壓力自己」這些所謂的安慰說話時,患者反而會覺得「你唔明白我」,韓馬利續說:「所有嘢係其他人代替唔到你,唔知你發生咩事,所以我好明白病人嗰種需要。」

雖然韓馬利已年屆64歲,但學習卻是她保持年輕的秘方,最近她學習唱歌。(電視畫面)

聆聽者的3個條件 Mary姐:令對方感覺到支持!

而要當一個出色的「聆聽者」,乍聽Mary姐的標準很「容易」應付,然而現實絕不簡單。第一步,是需要從對方出發去認同,去給予支持,韓馬利謂:「係要畀反應,從眼神呀、反應去令對方感覺到支持,同明白佢。」其次,要有無限的愛心,因為患者好有可能在你不太方便的時候向你致電,而此時此刻,又絕對不能夠輕言沒空:「話一陣間先講唔得閒呀咁收咗佢線,後果可能仲弊!」故此,若然要當一個聆聽者,就要有願意犧牲大量私人時間的決心。最後,是要視作為聆聽者的承諾,韓馬利:「好感恩我有呢個好好嘅姊妹、佢一路一路咁同我一齊行、如果要關心一個人 就要好似佢咁、要花好多私人時間、同埋係一個承諾嚟、無論點都要幫到底為止。」

Mary姐而家患嘅係「不老症」:

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。