李司棋潮玩IG未敢自封「女神」:人哋求其貼張相都幾萬Like!

撰文:
最後更新日期:

相信不少眼利的網友都有留意到,李司棋最近在Instagram(IG)世界中非常活躍,更得到極多粉絲支持。司棋姐今日(30/5)在中環出席活動時,便大談玩IG之樂,不但指自己是愛拍照的人,又謂與大家分享照片好開心。她接受《香港01》訪問時說:「我自己玩IG其實我有自己諗法,我鍾意拍一啲有趣嘅事,又或者交代一下我嘅喜好。我就唔會話乜都Post,特別食物相,呢樣嘢我做唔到,因為我個腦係食咗先,所以成日都畀朋友鬧我冇得影相,呢個壞習慣咁耐都冇改到。」

司棋姐好着重保養身體,又笑言晚上不吃飯會瘦得很快。(陳順禎攝)

提到司棋姐玩IG玩得非常潮,就連大熱變Young濾鏡都識玩,她笑言:「我盡量保持自己風格,每個人嘅風格其實係IG上都會睇得出,有啲人專注影靚相,我贊成,因為我都鍾意影靚相,但又唔係時時都影到靚相嘅。」

司棋姐指自己閒時亦會與朋友行山。(陳順禎攝)

問會否覺得自己終有一日成為「IG女神」?司棋姐直言這個稱呼完全與她搭不上任何關係:「女神兩個字我一定唔係啦,我IG又唔算多粉絲,有啲人幾十萬,求其登一張相都幾萬Like,所以呢樣嘢同我冇關係,我都係用一個忠於我自己心喺IG同大家做朋友。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。