孫耀威被大電筒扑到手指爆骨　幸好骨折無壓倒神經線

由冼國林執導的青春校園電影《我們的6E班》煞科，眾演員孫耀威（Eric）、葉芷如、張慧儀、尹揚明及麥長青與冼師傅到尖沙嘴舉行煞科宴慶祝，場面熱鬧。

拍完電影，Eric對拍攝過程表示感恩，「過去幾個月天氣十分反覆，但拍攝從未被天氣影響，多年來都未試過，如此順利都好開心。」開心還開心，Eric因為電影而受傷，導致手指爆骨，「有場戲我被大電筒扑到，起初都無為意，但之前偶爾又有chok親，直到昨日先覺得不對路，去看醫生先知爆了骨，醫生都話我癲了。」幸好骨折無壓倒神經線，Eric笑言以前打籃球弄得滿身都是舊患，已經見慣不怪，惟有食消腫藥等傷口癒合。

葉芷如壓力大爆瘡

至於葉芷如首次擔正女主角，坦言給自己很大壓力，以致爆瘡。「戲裏面有不少打戲和感情戲，因為畢竟是第一次，好多鏡頭、走位都未必識，每次埋位都好緊張。」幸好對手Eric有在身邊提點她，讓芷如放輕鬆，她笑言有Eric做對手，有時會被對方的俊俏外貌迷倒，「Eric有時都會問我，點解會hold住咗兩秒，其實係我不為意望住咗佢雙眼。」另外，作為冼師傅的徒弟，當芷如壓力大，師傅師母隨即呵護備至，「佢哋見到我爆瘡，就會買面膜，仲親自到片場畀我，真係好感動。」說到這裏，自言眼淺的芷如都眼濕濕，表示多謝師傅師母的支持。