「海潮」 招牌跌膊造型夠經典 溫碧霞：變成一個潮流！
撰文：吳子生
出版：更新：
52歲美魔女溫碧霞（lrene）今晚（28/6）盛裝現身香港海洋公園出席「微笑擂台」慈善晚宴，更即席捐出80本寫真集作慈善拍賣，所收捐益全數捐贈微笑行動幫助一班殘障兒童提供醫療，lrene直言：「希望等多啲人知道，呢個世界上有好多人要幫助，希望多啲人捐多啲善款。」
溫碧霞透露《海潮》寫真集印刷了2千本。（陳順禎 攝）
提到寫真集《海潮》由籌備以至製作完成，足足花了一年半時間，下個月書展即將面世，Irene難掩心中興奮說：「我噚日先第一次睇到本書，睇完之後我好鍾意，覺得好靚，可以留俾自己及所有鍾意我嘅Fans好好的一個禮物，老公睇咗都讚影得好靚。」
Irene表示老公（何祖光）都大讚寫真影得好靚。（陳順禎 攝）
回顧當年溫碧霞憑無綫劇集《火玫瑰》中的「海潮」角色紅透至今，劇中招牌式性感跌膊造型，更掀起一股熱潮，相當犀利。lrene笑言：「可能當時部戲，由我第一個帶起這個風，咁多年嚟都冇變，最主要呢個人物角色故事真係寫得好好，我好鍾意呢個角色，因為『海潮』好似自己本人，所以我演嘅時候好投入，大家更將我『海潮』跌膊，變成一個潮流。」