盧宛茵爆被男藝人當眾奚落:我即刻打畀監製話辭演

撰文:
最後更新日期:

盧宛茵首個舉辦楝篤笑騷《盧師動眾Madam Show》,昨晚(19日)於旺角麥花臣舉行。縱橫演藝圈超過40年的Madam Lo,在台上爆出在20多年前,曾遭受到一位男演員白眼,說起此事時心仍激動:「當時個位男演員飾演我老公,我哋拍完一個場口之後,我哋兩個一齊睇Playback,之後導演都話OK,去演下一場,當時呢位男演員就指住我,同導演話我做戲冇表情,又冇反應唔知喺度做乜,要求導演要我再拍過,嗰一刻全場靜晒,我冇畀任何反應,當時有個場務口都震埋問我補唔補拍,於是我走咗出廠打畀監製同佢講:『算啦,又唔係多過20集,你咪寫我移民咗就算囉,我真係唔想再拍落去』,之後監製挽留我,要我繼續拍埋落去,最後都完成咗。」此時,台下觀眾不斷大叫開名,Madam Lo即時打趣話:「好多嘢都唔記得晒。」

盧宛茵在棟篤笑上除了扮徐小鳯亦扮Lady gaga。(梁碧玲攝)

完Show後,Madam Lo接受《香港01》訪問時,提及遭人白眼一事回應話:「其實佢仲喺呢圈度,我一向同佢都冇聯絡,呢件事的而且確係真事,宜家自己又覺得冇乜所謂嘅,其實有時自己又會喺度諗,如果嗰個係阿姐(汪明荃)佢又會唔會夠膽講呢?如果佢真係夠膽講,咁佢又真係夠沙膽。(見到面會打招呼?)而家大家都真係冇乜點撞到。」問會否介意再合作?Madam La坦言:「應該唔會合作。」

棟篤笑當然有爆料環節啦。(梁碧玲攝)

雖然盧宛茵沒有指名道姓,不過亦留下不少蛛絲馬跡,分別是20年前作品,男演員飾演她的老公,那位男演員還在圈中活躍,翻查盧宛茵作品,20年前有幾部作品符合以上條件,分別是99年《命轉情真》、00年《緣份無邊界》、《創世紀 II天地豪情》和《雷霆第一關》,當中只有許紹雄、劉紹銘當過盧宛茵老公,不過Madam Lo在棟篤笑上表示是20多年前,時間可以是20年或者29年前,所以都是推測,但最尾盧宛茵亦有一個疑似最後線索留下,就是她回應的時候,表示那位不禮貌的男演員,未必夠膽鬧汪阿姐,為何會以汪阿姐做例子呢?而無獨有偶《雷霆第一關》就是有汪阿姐當第一女主角,莫非……不過大家都只能靠估,因為Madam Lo只給大家想像,不會公開答案。

不少圈中好友亦有前來睇盧宛茵的talk show:

+5
+5
+5


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。