【失憶24小時】被江欣燕問可否露兩點 張達倫:見到佢成個人硬晒

撰文:
最後更新日期:

江欣燕雖然是香港人心目最強的喜劇演員之一,但從影而來出產量始終不多,所幸2018年的《逆緣》之後又能在兩套劇集看到她,其中一套《失憶24小時》更是觀眾最愛的喜劇類劇集。劇中她會與飾演「伊雲思」的張達倫有連場激情戲,十分有看頭。

江欣燕在《失憶24小時》中飾演一名的士司機。(陳順禎攝)

日前江欣燕出席劇集拜神儀式時,接受《香港01》訪問時說:「今次除咗可以同好演員郭晉安等佢哋一齊拍之外,估唔到我有床戲,哈哈,其實我從影而來都冇拍過呢啲嘢㗎,你知我係一級半演員嚟。估唔到第一日外景開工,劇組就已經整咗場車震畀我,其實我一生人都未試過。我開頭仲問導演:『前座定後座?』導演就話:『梗係後面啦,前面都唔夠位。』」不過對此她就表示可惜,因為只拍了事後的部份。

江欣燕、張達倫和何遠東。(陳順禎攝)

說起其中一場與張達倫的激情戲時,她就表示張達倫拍攝時相當的客氣:「有一場話我哋飲紅酒,佢要摸我大脾,但係排戲嗰時但係佢又唔敢摸,我就話:『你可以捽嘅』,我仲記得嗰場你冇着衫,又露咗兩點!」張達倫:「佢同我講:『你嗰兩點突咗出嚟,得唔得吖?』我話:『唔驚,咪多兩點囉。』你知唔知我見到欣欣都已經硬咗啦,即係話成個人硬晒。」江欣燕即補充說:「我以為你話拳頭硬晒,哈哈。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。