杜拜王子哈曼丹身家逾1000億 最靚仔皇室成員專情11年封盤娶表妹

撰文:
最後更新日期:

哈曼丹王子文武雙全,可惜已封盤。(faz3@IG圖片)

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

英國皇室近年不時傳出醜聞,去年有傳威廉王子背著妻子凱特懷孕時,與她的閨蜜偷情後,近日又爆出安德魯王子(Prince Andrew)捲入性醜聞,有傳英女王感到非常失望。到底皇室人員是否特別難專一/長情?睇睇杜拜王子Fazza就知道唔係!曾被《福布斯》雜誌評選為「全球最性感皇室成員」嘅杜拜王儲哈曼丹王子(Hamdan bin Mohammed bin Rashid Al Maktoum),既有顏值,又精通騎馬、潛水、打網球、滑雪同寫詩,加上其身家估值約150億美元(約1177億港元),簡直係夢幻級筍盤。之不過,別名「Fazza」嘅哈曼丹王子喺今年已經封盤……

大婚當日,謝克哈公主完全未露過面。(網上圖片)

36歲嘅Fazza今年迎娶29歲表妹謝克哈公主(Sheikha Sheikha bint Saeed bin Thani Al Maktoum),其實二人早在11年前就已經訂婚,但由於一直未有舉行婚禮,有傳係因為Fazza曾經戀上一名平凡女子,亦有傳Fazza已離世嘅大哥拉希德一直對謝克哈公主有意思……由網上流傳嘅照片所見,Fazza同謝克哈公主小時候就已經認識,而謝克哈公主當時已長得十分精緻。由於有指阿拉伯皇室成員嘅婚姻對象,一定要係近親,所以有可能Fazza同謝克哈公主嘅婚事,根本就唔係佢哋自己所能夠選擇。
 

Fazza同表妹謝克哈公主早在10年前已訂下婚約。

講返Fazza這場婚禮,由網上影片所見,雖然十分盛大,但由始至終都未見到謝克哈公主嘅真身!根據阿拉伯婚禮嘅傳統,要新娘父親同新郎喺兩位男性見證者在場嘅情況下簽訂婚約,婚姻就會即時生效…聽落好似好奇怪,但皇室的事情,常人都不會理解的。

IG座擁8百幾萬粉絲嘅Fazza,雖然不時分享生活照片,但就從未提及自己嘅婚事。

Fazza(左)在大家族中成長,其父親杜拜酋長穆罕默德(右)共有23個孩子。(Fazza ig圖片)

+26
+25
+24


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。