不排除與緋聞男友麥秋成過聖誕 蔣家旻不覺尷尬:睇下佢約唔約我

撰文:陳芷穎
出版:更新:

蔣家旻周三(4/12)出席《愛地球 過聖誕》活動。聖誕將近,Angel透露聖誕行程:「人大咗,唔想太熱鬧,所以同幾個朋友食飯算啦。」如果有異性朋友單獨約會,Angel笑言會應約:「我個人唔主動,多數男仔主動約我,時間上夾到都會出去食飯、飲嘢。」

娛樂圈年度「最Sweet新聞」名單有喇!即到《01最賞睇娛樂大獎》投票,仲可以參加勁抽雙重獎,隨時贏得終極大獎旗艦手機11 Pro Max、Dyson風筒等。

Angel說很多年沒收聖誕禮物,亦沒有什麼特別想要,因為平時見到靚的東西已經會立即買下。(梁碧玲攝)

談到最近與麥秋成的緋聞,Angel再度澄清真的只是朋友關係:「我會跟佢學跳舞,如果得閒會一齊食飯,呢樣係好正常嘅社交。」但提到聖誕節,二人會否約出街,Angel大方回應:「睇下佢會唔會約我出街,我又得閒的話會出去。我同佢冇尷尬,如果尷尬就唔係朋友。」

Angel未急於拍拖,對感情事雖然持開放態度,卻希望低調處理:「始終係公眾人物,唔想太open。如果段關係好穩定,可以長久發展先會諗公唔公開。對感情冇咩信心同安全感,輿論壓力會影響感情,有返私人空間會好啲。」