龔嘉欣傳與大馬富二代低調拍拖 獲打本開餐廳做老闆
撰文:洪曉璇
出版:更新:
娛樂圈年度「最Sweet新聞」名單有喇!即到《01最賞睇娛樂大獎》投票,仲可以參加勁抽雙重獎,隨時贏得終極大獎旗艦手機11 Pro Max、Dyson風筒等。
12月5日剛踏入30歲嘅Katy 龔嘉欣,自12年同鄧健泓分手後,近年全心投入工作,劇集一部接一部,今年更走出舒適圈,於馬來西亞投資開設火鍋店。不過呢日傳出Katy之所以唔喺香港反而遠赴大馬創業,全因佢同馬來西亞富二代Byran熱戀中,對方更打本俾佢做老闆。
+1
其實Katy年初曾自爆有圈外追求者,情人節時都上載過一張冧笑抱住兩大束鮮花嘅相。今年8月亦傳出Katy忽然富貴,拍劇時有助手照顧,而且出入揸百萬跑車,車牌「KB」大家本來以為係Katy BB縮寫,呢日有報道指其實係Katy及Bryan愛的密碼。
有指Bryan對Katy一見傾心,對女友無微不至,出心出力幫Katy打開大馬市場,不時邀請佢到當地出席活動,知道Katy有心創業更打本俾對方於當地開設火鍋店。Katy有意將戀情低調發展,喺IG見到佢地通常都係一大班人合照,未有太親密舉動。
Katy回覆傳媒時承認識得Byran,但堅稱開舖係自己同另一位朋友合資。Katy透露喺4月開始籌備開店,生日當日亦喺IG上載身穿工作服嘅相,留言話:「之前有一刻我突然在想,原來我除了當演員甚麼都不會......然後就有了個想法,膽粗粗找了一個在香港當飲食的朋友一起衝出香港......一間店從裝修、想食譜到買餐具 set up 等等所有東西 ,確實不容易,是完完全全不一樣的層面,但這給到我另一方面的成長。感恩現在的我還有機會去學習去體驗,去開闊自己的路......」《香港01》就新戀情一事聯絡過Katy但暫未有回覆。
點擊睇更多Katy靚相:
+7