憑參加《中國好聲音》一炮而紅的23歲大馬新人王陳永馨 (Melody)上月加盟GME中國，成為周秀娜師妹，其首隻派台歌《愛只為你寫》已錄製完成。日前，Melody便專程來港為新歌拍攝MV。

為配合歌曲內容，曾為Twins、鄭欣宜、關心妍等歌手拍攝MV的導演簡君晉，以60年代的愛情故事作背景，「因為嗰個年代追求嘅關係、感情都係好單純。」MV分別於山頂公園、中環碼頭、赤柱沙灘取景，而且更找來曾拍過陽光檸檬茶等廣告、日韓混血型男川崎真之介（Shinn）當MV男主角。

兩人首次見面雞啄唔斷

Melody於紐西蘭出世，3歲隨父母定居馬來西亞，能操中、英、德、意四國語言，她全程以流利英語跟Shinn溝通。二人雖是首次見面，但甫見面便雞啄唔斷，就連Melody也說：「本來我驚會尷尬，因為未見過面，點知一開始介紹時，就click到，哈哈。」連導演都取笑二人好鬼夾，「好似識咗十幾廿年咁樣，好開心。」

MV由早拍到晚，拍攝了13個小時才完成，Melody依然精靈活潑，一點也不覺得辛苦，原來是因為型男Shinn，仲話同Shinn好有火花，「導演要影我們彈結他、唱歌，我們好似jaming section，自己玩自己唱咁囉。同Shinn個chemistry好好，導演睇到呢個feeling都覺得好，就直接action拍咗，所以MV入面大家係好自然。」而眾多拍攝場景中，Melody坦言最愛山頂公園，「全部location都係我第一次去，因為我好鍾意草的味道，覺得好清香，我鍾意大自然，好free，而且又有個靚仔在我旁邊。」