林欣彤父女檔拍節目　林爸爸眼濕濕話：係好擔心佢囉！

林欣彤（Mag）向來和爸爸感情要好，日前她特別聯同香港開電視主播植詠珊（Cathy）拜師學藝，炮製父爸爸最愛嘅南瓜湯，仲當場搞到林爸爸眼濕濕添！

事緣Mag早前因工作壓力以致情緒不穩兼全身痛症，Mag坦白表示：「因為我一個人住，所以我從來不會同家人說病情，即使中秋節要在醫院過，我也只騙他們說要開工，不能一起過節！」對於愛女報喜不報憂嘅性格，林爸爸被問係咪特別感心痛時，忍不住眼濕濕話：「係好擔心佢囉！」

尤幸現時Ｍag已逐漸康復，笑著反過來向Cathy投訴：「依家到我擔心爸爸啦，你知唔知呀，佢從來唔肯做身體檢查，我發覺原來好多爸爸都唔肯做body check！」Cathy對此表示認同，並慫恿Mag要逼迫父親去做檢查，林爸爸聞言只露出無奈苦笑。