《開心速遞》粉絲一向最鍾意睇Bonnie林凱恩，昨日她出席新劇《逆襲人生》造型記者會，她在劇中飾演大地產商千金，外國讀書回流，性格爽朗敢愛敢恨，至於會否離開《開心速遞》，林凱恩就表示不會：「公司好好嘅俾我出嚟拍下其他劇,等我學得快啲，有唔同對手演戲，等我突破自己框框，至於兩套劇開工,朝早拍《開心速遞》夜晚拍《逆襲人生》，令我自己更加似一個演員。」

「我寧願冇時間訓，一日用哂24小時感覺好充實，好想試下馬國明咁連開37個鐘，我都試過收06再開07，喺公司訓都試過，(妳唔驚咩?)我覺得睡魔勁過任何嘢，幾多張通告飛埋嚟都冇問題，用得著我就覺得有存在價值，我頂眼訓嘅方法就係狂飲黑咖啡，飲到自己hyper，望住自己會笑，好得人驚架!最勁試過一日飲三杯espresso,哈哈！」