岑杏賢公開患甲狀腺亢進症經歷 鼓勵同路人:要勇敢堅強

撰文:
最後更新日期:

五年前Jennifer岑杏賢甲狀腺亢進症復發,手震眼凸頸粗頭暈,而且成個人變得腫脹。(IG:@jenniferjshum)

岑杏賢早前透露自己患有甲狀腺亢進症,接受《香港01》訪問時指入行後曾復發,工作時手震眼突頸粗頭暈,更指「曾經有報道話我唔休做暴肥、有麒麟臂,自己都無怪出面咁睇,不過當時我選擇唔公開患病。」呢日佢喺IG寫下長文,表示訪問出制後收到好多支持同意見:「希望自己嘅分享,鼓勵正在經歷甲亢或經歷甲亢嘅同路人,要勇敢同堅強,因為保持情緒健康同穩定好有幫助!」

岑杏賢患甲狀腺亢進症 選擇獨自樂觀面對:被人話暴肥都唔公開

岑杏賢樂觀面對病情,依家已經穩定落嚟可以唔使每日食藥。(IG:@jenniferjshum)

大約2015年岑杏賢面對甲狀腺亢進症復發,幕前工作嘅佢面對暴肥及其他病徵,佢喺訪問中分享自己睇醫生同自然療法嘅經驗,希望幫到同路人:「我根據個人經歷分享,有人同意亦有人對精油有強烈睇法,基於我自己的確有用。除此以外我又有飲大量暖檸檬水,對海藻同咖啡因攝取量非常嚴格,仲有堅持帶氧運動。」

Jennifer岑杏賢話自己當時好勤力隔日到健身室,搵教練訓練,但無論流幾多汗都無助去腫。(受訪者提供)

Jennifer知道甲狀腺亢進症除非做手術如果唔係基本上無斷尾,佢亦喺訪問中表示「依家我學會樂觀面對一切,要接受佢係我生命嘅一部分。」:「我想分享同鼓勵正在經歷甲亢或經歷甲亢嘅同路人,要勇敢同堅強,因為保持情緒健康同穩定好有幫助!依家我嘅生活重回正軌,病情穩定唔使再食藥,但即使有一日我再度病發,都會覺得自己並不弧單。#YouAreNotAlone #YouOnlyGetsBetter」

岑杏賢希望分享經歷勉勵同路人。(Instagram/@jenniferjshum)

+15
+14
+13


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。