歌神許冠傑於紅館開騷，全晚唱足三小時近40首歌，兼有糖妹、何傲兒、陳凱彤、J.Arie、譚詠麟、徒弟Justin、大仔許懷欣、細仔許懷谷以及哥哥許冠文做嘉賓，一句講晒：抵！

Sam哥唱《十個女仔》同《先敬羅衣後敬人》時，身穿白色短裙的何傲兒在旁跳舞兼大騷長腿，落台前，何傲兒本想與Sam哥抱抱，但對方卻未有留意而轉身走開，令她尷尬了一下。之後到許氏兄弟上場，與爸爸合唱《最住拍檔》，三父子難得再次同台，表現興奮。

許冠文上台時，表示每與弟弟企埋一齊時，都會覺得他無論樣、身材、歌喉都比自己優勝。「近年我有兩個孫，以為兒孫滿堂，點知佢又整個孫，下個月又多個。」之後許冠文笑指《學生哥》的「學生哥好溫功課，咪淨係掛住拍拖。」已不合時宜，因為「依家唔讀書都可以搵好多錢，大學未畢業走去做議員，都4百幾萬一年。」說罷，即獲全場掌聲。

到譚校長上台與Sam哥合唱《沉默是金》，他表示：「 我可能係好多人嘅偶像， 但我心裏面只有一個偶像，就係阿Sam 哥。」Sam 哥表示多謝後，本想話跟住要唱甚麼歌，但被譚校長截停：「咪跟住先啦，我都要講下嘢先。」校長之後又拿着貓紙，說《是雨是淚》與自己的一首歌非常之合襯，Sam哥順勢彈起前奏，結果又被校長截停：「唔使chord 啦，因為根本唔啱。」在你一言我一語下，二人最終順利唱出《是雨是淚》。校長落台後，Sam哥繼續大唱《天才與白痴》、《珍惜》等金曲，而《滄海一聲笑》的前奏，更由何傲兒再次上場，並以古錚彈出。

為了要把歌單的曲目都唱出，所以Sam哥其實整晚並不多說話，實行以歌會友，到最後以《浪子心聲》作為完結，並感謝入場觀眾支持。