無綫金牌女司儀唔易做 何依婷隨時變Do姐最新接班人?

撰文:
最後更新日期:

鄭裕玲和農夫組合(C君和陸永)主持《港姐有問題》。(資料圖片)

2020香港小姐競選》開始進入淘汰階段,今個星期播出嘅《港姐有問題》由Do姐以及農夫主持,由於節目上知天文地理,下知餐牌都有考,加上Do姐坐陣,令一眾佳麗都感到非常有壓力。總決賽暫定8月底於電視城舉行,雖然司儀人選仲未公佈,不過唔少網民都估計有Do姐份,另外自2017年連續三年都有份主持嘅麥美恩亦係大熱人選之一。

何依婷近年無論主拎或拍劇都有唔少機會。(螢幕截圖)

近年TVB頻頻創造司儀機會予一眾新小花。17年港姐亞軍何依婷,由《Think Big天地》到近年嘅《學是學非》、公益金、明愛暖萬心等大騷,拍住汪明荃、鄭裕玲兩位姐級人馬,足見公司對佢嘅重視程度。

麥美恩參選2011年香港小姐時,曾被封為「龍躉村姑」。(mayannem@Instagram)

不過比起何依婷,麥美恩呢幾年嘅主持機會更係有排數。由當年嘅無綫娛樂新聞台、《學是學非》、《3日2夜》、《新春花車巡遊匯演》、《馬來西亞星光薈萃頒獎典禮》、《萬千星輝頒獎典禮》、《Ben Sir睇樓團》等等,麥美恩嘅主持工作更為多元化。而向來唔多拍劇嘅佢,年初亦入組《陀槍師姐2020》以及即將開拍、與李住芯合作嘅《智能愛(AI)人》。

馮盈盈2018年時,主持港姐決賽問答環節,表演備受讚賞。(資料圖片)

馮盈盈第一次主持大騷,應該要數到《2017年度勁歌金曲頒獎典禮》,不過當晚佢同麥明詩甩碌不斷,結果被網民狠批。吸取教訓後,馮盈盈於2018年主持港姐決賽其中一環節,面對Do姐淡定之餘亦無亂噏,出色嘅表現獲網民激讚。其實自麥明詩改簽部頭約後,馮盈盈已成為《後生仔傾吓偈》嘅台柱之一,一星期播足5集,完全係訓練口才以及主持嘅機會。

TVB仲有邊啲金牌主持?

+7
+7
+7


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。