【星二代開學】陳敏之囝囝返名幼好淡定　孫慧雪囝囝反應大不同

日盼夜盼，全港中小學及幼稚園停課多時後，9月29日終於正式全面恢復面授課堂。一眾圈中星爸星媽紛紛出動接送返學。陳敏之囝囝就讀城中名牌幼稚園ST Catherine，見到3歲囝囝雷子樂第一日開學完全無扭計，敏之好安慰話：「叻仔，真係大個仔了。K1完全唔喊，仲好開心。媽咪也開心，好好享受校園生活。」

孫慧雪囝囝Riley同為3歲，不過就無咁淡定啦，阿雪貼出Riley大喊嘅相片話：「各位小朋友今日開學情況如何呀？Riley情況好慘烈，返到屋企講咗十次：Mama, u leave me alone today, but it's ok, dun do it again mama！（媽媽，你今天留下我一個人。沒關係，但媽媽不要再這樣做了﹗）搞到媽媽個心呢......」點擊睇更多星二代重返校園情況：