鄭俊弘親捧椰子籃過大禮 何雁詩：爸爸成功賣咗我畀未來老公
撰文：洪曉璇
出版：更新：
鄭俊弘跟何雁詩在今年元旦日貼出婚照宣布訂婚。（Instagram@honganc）
+4
今年元旦日鄭俊弘何雁詩貼出唯美婚紗宣佈訂婚，11月7日就係佢地大喜日子，10月4日進行過大禮儀式。傳統上過大禮儀式新郎新娘係唔使出現亦不能見面，鄭俊弘何雁詩唔單止有出現，仲叫埋一大班老友好似陳瀅、蔡思貝、賴慰玲等到場見証，準新人心情大靚更即場咀咀。
何雁詩父母交女婿金畀鄭俊弘。（IG：@fredcheng83）
相隔一日鄭俊弘何雁詩心情仍然好興奮，喺5號早上分別貼出多張儀式時拍攝嘅相片。見到鄭俊弘神情緊張，親自拎金椰子籃到女家，除咗魚、生雞等以大利是代替，過大禮物資一應俱全，嫁女餅紅酒茶葉巨型生果籃，仲有大大盒花膠筒、瑤柱花菇等海味。準外父外母睇嚟相當滿意，大合照時笑到見牙唔見眼。何雁詩用英文留言話：「好開心完成中國傳統過大禮儀式，充滿歡笑聲、掌聲嘅一日，多謝親友們分享喜悅，好開心爸爸成功賣咗我畀未來老公啦。」
+20