本週Jer住你|鄧麗欣透露Cookies合體無望 九塊餅碎近況如何?
撰文:秦志鴻
出版:更新:
近日鄧麗欣(Stephy)就獲Jerald邀請到其YouTube節目《本週Jer住你》擔任嘉賓受訪,幾位主持和Stephy更談到2002年Cookies出道的第一首歌《心急人上》。
「其實Cookies我哋係一年㗎咋,9個人出道係一年然後就拆夥,所以係好短好短時間。但點解大家都咁記得,同埋覺得我哋好成功呢?就係因為《心急人上》呢首歌,所以冇呢首歌就冇Cookies,我叫你哋講多一首,我諗你哋都未必講得出啦,係咪?」Stephy自嘲地問,之後就連自認是粉絲的徐繼宗亦講不出Cookies另一首作品。
徐繼宗又提到,當年《心急人上》製作陣容頂盛,找來日本樂手編曲等,但《心急人上》之所以成為經典,實與全歌第一句歌曲有關:「錄嘅時候其實有冇懷疑寫錯歌詞呢?咩叫『油~不是80年代』呢?」Stephy聽後即掩嘴大笑:「我錄嗰時冇嘅,錄完之後先諗,到底係油定係又呢?但佢之後變成一個IQ題,咁都幾好吖,可能嗰時佢就諗到可以畀人估吓。不過呢首真係Cookies最成功嘅一首歌!」
但提到近年有不少2000年代的組合合體開騷,問到Stephy有關Cookies合體時,她就斬釘截鐵地說:「即係要齊晒9個呢,基本上係無可能,例如Serena(蒲西兒)佢已經喺外國生活咗好耐,而家又有兩個小朋友,你諗吓其實做一個騷,你要花好多好多時間,又要綵排,又要宣傳,我哋9個都各自有自己生活,我唔忍心叫佢哋返嚟做啲咁辛苦嘅嘢囉!」雖然Stephy狠心地表示Cookies復合無望,但實際上當中5位包括Stephy仍然較活躍於幕前,不過何綺玲(Elaine)、陳素瑩(Gloria)、馬思恆(Helena)以及蒲茜兒(Serena)就幾乎絕跡幕前了。
點擊睇睇Cookies 9名成員近況:
+16
點擊圖輯睇鄧麗欣、傅穎這些年來的關係發展:
+12