沈震軒斥百萬獨立屋花園建自家GYM Room 女友陳欣妍齊操練

撰文:
最後更新日期:

沈震軒去年11月宣布簽約邵氏回歸TVB拍戲。(IG:@sammysumchunhin)

+14
+14
+14

去年11月宣布簽約邵氏回歸TVB拍戲嘅沈震軒,一直以來畀大家印象都係高大有型靚仔,近年仲操到好大隻!呢幾個月疫情下,健身室不時被勒令關閉,令健身愛好者叫苦連天﹗但沈震軒就完全唔使煩,因為佢嘅獨立屋入面,有大量專業器材打造自家健身室!

沈震軒不時喺IG大騷肌肉。(IG:@sammysumchunhin)

沈震軒居於元朗加州花園獨立屋,佢同女神級女友陳欣妍不時分享家中不同角落,私家花園相當清幽,空間感十足。有天窗同大型L字梳化,仲有幾個大型玻璃櫃放滿超級英雄模型。

沈震軒家中有幾個大型玻璃櫃放滿超級英雄Figure。(IG:@sammysumchunhin)

不過最吸引都係沈震軒於家中安置巨型白色帳篷,裡面放滿專業級健身器材﹗無論係划船機、坐姿下拉機、曾被健身教練稱為「世上最全面的腿部器械」嘅大腿推蹬機等,一應俱全。專業程度同街外健身室無咩分別,部部都價值不菲,單係呢個自家健身房都起碼百萬元,難怪沈震軒同陳欣妍都咁FIT啦!

沈震軒女友陳欣妍都經常喺自家健身室,拍片分享修身心得。(IG:@shirleyelephant)

點擊睇沈震軒自家健身室:

+6
+6
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。