謝嘉怡表妹原來大有來頭 自揭爸爸為百年老字號「源吉林」後人

撰文:
最後更新日期:

源菲然 21歲 1米68 International Business Management學系畢業,南非出世,十幾年前前移民英國。(資料圖片)

+9
+9
+9

今屆港姐冠軍謝嘉怡當選後一舉一動都備受注目,佢嘅童年照、父母年齡都屢次登上熱搜榜。港姐決賽當晚慶功時,大家驚覺同屆落選港姐源菲然,原來係表姐妹關係﹗源菲然率先簽約TVB馬上獲安排加入《換命真相》劇組拍攝,呢日佢居然喺IG貼出香港開電視截圖,做咩咁大膽﹗

謝嘉怡親友早在酒店房等候為佢慶祝,大家先驚覺原來佢同源菲然係表姐妹。(影片截圖)

源菲然原來係謝嘉怡表妹。(影片截圖)

源菲然喺南非出世英國讀書,參選期間都未有公開同謝嘉怡關係,令外界相當意外。呢日佢喺IG貼出香港開電視畫面,然後寫上「爸爸上電影(視)」,雖然源菲然刻意用Emoji遮住爸爸個樣,但明顯係新節目《難得有傳人》。

源菲然自揭爸爸接受香港開電視訪問。(IG:@casayuen)

呢一集係由蔡瀚億訪問「源吉林」第七代傳人源樂明,令人驚覺原來源菲然係百年老字號品牌後人﹗節目中源樂明直言以往一直喺英國生活,後來爸爸病危,自己先喺七年前臨時接手家族生意。源菲然喺英國讀書畢業後提早返港參選香港小姐,雖為百年品牌後人但相當低調,社交網站都係一啲日常生活照,亦未見佢放出父女合照,似乎唔想人地知自己背景。

原來源菲然爸爸係百年老字號品牌「源吉林」第七代傳人源樂明。(影片截圖)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。