黃翠如唐詩詠Staycation孖住曬泳照 蕭正楠：著返件羽絨游啦
撰文：洪曉璇
出版：更新：
蕭正楠為太太黃翠如慶祝39歲生日。（IG：@edwinsiu）
+7
踏入10月尾天氣終於涼返少少，廿幾度清風送爽相當舒適。10月23日係黃翠如39歲生日，好姐妹唐詩詠陪佢到六星級酒店STAYCATION慶祝，孖住暢泳罕有曬出泳照，不過就被蕭正楠公開窒老婆，咩事咁大膽？
唐詩詠黃翠如罕有曬泳照。（IG：@natalietong53）
翠如同唐詩詠分別貼出2張池畔靚相，一張係正常泳衣另一張居然換上長袖潛水衣﹗翠如笑言：「穿上正常泳衣不到十分鐘，我和這位小姐，馬上穿回潛水式長袖泳衣去秋泳。就是怕凍，就是當不了網紅。」老公蕭正楠不禁回應：「著咁少實凍啦！水凍就著返件羽絨游啦。」而唐詩詠就話呢個旅程好後悔：「點解我會咁嘅樣，因為有人同我講唔凍，點知............原本打算離開我三個小朋友可以好好瞓一晚，點知.........呢個女人一直係到問問題，係迷迷糊糊的狀態下，唔知道講咗啲咩俾佢聽，好後悔呀。」
+9