楊茜堯天價復出深圳拍劇　羅子溢爆老婆恨拍戲：我一直鼓勵佢

羅子溢（前名羅仲謙）同楊茜堯（前名楊怡）2012年因《On Call 36小時》而結緣，二人婚後雖然間中以夫妻檔出席活動，但就從未再合體拍劇，再加上楊茜堯自2018年參演劇集《再創世紀》後，為休養身體備孕而減產，直至今年4月誕下愛女「小珍珠」羅翊心，羅子溢全力搵奶粉錢，一口氣接下三套無綫劇集，好讓老婆做少奶奶。

正當劇迷以為楊茜堯將變「全職媽媽」之際，日前傳出楊茜堯將與羅子溢以8位數過千萬薪酬「夫妻檔」拍劇。據悉，新劇將由梁家樹擔任監製，並在深圳拍攝，除張智霖（Chilam）、黃浩然、李彩華之外，梁家樹女兒梁靖琪（Toby）亦會參與一角，日前 Toby在IG上發文表示由於將離港工作，所以爭取時間與老公、囝囝staycation，Toby在文中提「Me & Roro will miss you like crazy」，似乎是打算帶埋囝囝一同北上開工。梁家樹早年在無綫監製嘅《流金歲月》，楊茜堯亦有份演出一角，而2017年監製嘅電視劇《無間道》，亦搵來羅子溢做男主角，故與羅氏夫婦的淵源不淺。

羅子溢有份參與嘅無綫劇集《兒童醫院》將於月底完成拍攝，屆時他就可以動身與老婆齊齊北上，但未知會否帶埋小珍珠同行，畢竟年齡太細有一定的風險。對於「夫妻檔」拍劇一事，子溢接受《香港01》訪問時雖然表示唔方便回應，但其實他早前為《木棘證人》宣傳時，曾透露一直鼓勵老婆拍劇：「佢做得演員一定有自己夢想，加上長時間照顧小朋友壓力好大，我係好鼓勵佢有好劇本就即管去，佢一直都有戲癮。」而他亦笑言如果有內地電視台願意出天價，他亦不介意同埋小珍珠拍親子真人騷。「以商業角度來說係好好，不過都要等個囡囡大啲先，同埋如果過程佢唔開心的話，我都唔會勉強佢。」

點擊睇羅氏夫婦放閃圖

同場加映 :楊怡封后慰勞宴爆辛酸　回顧家姐楊卓娜淚崩：佢要孭起頭家！