全民造星III︱陳卓賢Ian欣賞顧定軒參賽勇氣:要放棄之前嘅身份

撰文:
最後更新日期:

ViuTV劇集《男排女將》將於下周一(23/11)播出並於今日(19/11)在修頓場館舉行記者會,一眾演員包括鄧麗欣(Stephy)、顧定軒(Zeno),MIRROR成員陳卓賢(Ian)、盧瀚霆(Anson Lo)、柳應廷(Jer)、呂爵安(Edan)、邱傲然(Tiger)、李駿傑(Jeremy),王智德(Alton)均有出席活動,他們還與甲一排球隊「力臻」上演一場激烈的友誼賽,吸引過百名粉絲到場支持,現場氣氛高漲尖叫聲連連。

ViuTV劇集《男排女將》將於下周一(23/11)播出並於今日(19/11)在修頓場館舉行記者會。(梁碧玲攝)

整場友誼賽只有短短15分鐘,熱愛打排球的Ian同Zeno直言「唔夠喉」,Ian說:「完嗰一刻想繼續打,覺得點解咁快完,因為我拍完劇過嚟冇同大家搓過波。友誼第一,大家都係開心。」Zeno則大讚前香港排球隊代表Ian專業,在拍攝時亦有提點演員之間的走位以及姿勢等:「我哋其他人唔熟排球運動員平時嘅生活,但Ian有經驗。好似贏咗或輸咗球波要點Cheer Up大家,好多呢啲位佢話畀我哋知點做。」

Ian同Zeno在新劇中有大量對手戲,Ian笑言二人由頭鬧到尾,場場都好有「火」。重提拍攝時的點滴,Zeno坦言最辛苦是要一大清早起身:「冇試過咁長時間咁早起身,天黑時就要出發去到現場,等天光就開始拍攝,變相件事又好健康。」Ian點頭表示贊同:「天黑就收工,就可以夜晚臨瞓前做下自己嘢。我覺得最辛苦係一收工就去做Gym同控制飲食,忍口有啲辛苦。」Zeno指Ian的身形太Fit,令他不敢站在Ian身邊,同時激發他要操肌的念頭。

Ian同Zeno在新劇中有大量對手戲,Ian笑言二人由頭鬧到尾,場場都好有「火」。(梁碧玲攝)

Zeno現為《全民造星III》的參賽者,身為師兄兼過來人的Ian亦有給予建議:「要鍾意自己所做嘅每一個表演,最緊要對自己有信心。一比賽大家都會想Impress觀眾而慢慢迷失方向,可能會做咗唔擅長嘅事,令自己更加冇信心,最緊要自己Enjoy。」

已出道成為演員,同時亦有很多拍攝經驗的Zeno指今次要忘記過往所學的一切:「要將自己歸零,面對唔擅長嘅嘢,本身唔擅長唱歌跳舞,好想突破,發掘其他方面的可能性,當乜都唔識去學。」Ian直言看好Zeno,亦欣賞他的勇氣:「我嗰時係素人,冇包袱。Zeno本身有好多演出經驗,大家都認識佢,但佢放棄之前累積嘅身份,重新做參賽者要好大勇氣。」

點撃睇更多活動靚相:

+11
+11
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。