莫可欣自爆與方中信好多拗撬:同佢完全係兩個世界嘅人

撰文:
最後更新日期:

莫可欣同方中信相愛24年,她表示其實並唔係日日都風和日麗,常有拗撬,又謂來世唔想再做夫妻。(微博圖片)

51歲嘅莫可欣當年由瑞士返港參加選美,雖然經常被指係「最醜港姐」,但完成無影響佢同方中信嘅感情,並多次為佢護航,大讚莫可欣大方與包容,二人拍拖12年於08年拉埋天窗並育有一囡。已經淡出幕前多年嘅莫可欣。日前接受好友林穎嫺YouTube頻道訪問時,提及夫妻相處之道時,她竟然說:「唔係日日都風和日麗,好多拗撬。我同佢完全係兩個世界嘅人,尤其是我要出去做嘢、佢拍嘢,大家接觸嘅嘢好唔同,要維繫真係要遷就,通常都係佢鬧交,我好少,最多都係黑面,都會去到一個點係好辛苦。」

莫可欣接受好友林穎嫺YouTube頻道訪問。(影片截圖)

莫可欣表示會與方中信傾佛計,告訴對方或許因為前世有啲嘢未還到俾大家,所以才會有今世。「所以不如今世大家對大家好啲,希望來世唔好做夫妻,做普通朋友,兩個人互相嬲。」莫可欣表示因為信佛的關係,所以近年會打坐同唸經。

女兒出世後,莫可欣表示對幕前有眷戀,諗過復出。(微博圖片)

提到當年選美原因,莫可欣表示係因為嫲嫲報夢,加上當時未搵到工作,所以決定一試。當選後,雖然公司曾安排試鏡拍劇,但莫可欣坦言自己「屎戲」,對自己參演過嘅作品並沒有太深刻印象。「最記得《真情》,因為多人睇。我墮入唔到角色,因為唔夠放,所以無呢方面天份。之後做主持我又多懶音,有觀眾寫信希望我改善,做幾年《K100》主持係幾好訓練。」

莫可欣開設水晶泥工作室,她透露生意受疫情影響,但仍打算開分店。(資料圖片)

選完港姐5年後,莫可欣有感發展不如理想,於是決定離巢,第一份工是在建築物公司做大老闆助手,陪對方到歐洲傾生意。「但都係唔習慣朝九晚五生活,所以三個月之後無做,每日打卡後入廁所瞓20分鐘。之後自已搞生意做過形象顧問,入《MTV》完全係dream job,做咗7年,成日飛新加坡開會。」成為全職媽媽後,莫可欣坦言對幕前仍有眷戀,特別係囡囡出世後第三年,曾想復出工作。「但唔係咁易,一來好攰,二來經歷太多,知道屋企係最重要。」莫可欣表示近年因受女兒啟發,所以開創了slime(俗稱鬼口水)生意,疫情雖令生意受到影響,但她仍打算開分店。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。