張敬軒劣食早餐被批不跟姐姐溝通 親解背後原因獲網民大讚貼心

撰文:
最後更新日期:

「早餐界KOL」張敬軒自上月聘請了工人姐姐「嬋嬋」後,幾乎每日都會在社交平台分享「精美」的早餐。不少網民看得非常開心過癮,亦開始期待姐姐「出色」的廚藝將如何激親張敬軒。之不過就有人指出為何他不跟姐姐認真溝通,令劣食問題一直存在,軒仔回覆網民時親解背後窩心原因。

有網民指出為何他不跟姐姐認真溝通,令劣食問題一直存在,軒仔回覆網民時親解背後窩心原因。(IG/ @hinscheung)

有網民留言批評張敬軒不認真跟姐姐溝通,令劣食問題一直沒有改善:「其實我想問你有冇認真和工人溝通過你唔喜歡食這些?你唔同佢講日日寫文,問題都唔會改善喎。」軒仔解釋只是想令大家開心,才繼續讓姐姐自由發揮,能夠博到大家一笑是他和姐姐的福份:「大家笑一笑啫,唔好太認真。依家咁嘅世界,想開心真係要特登去搵。我通常都淨係喺屋企食朝早嗰餐啫,冇乜所謂,反正我一日食六餐。我有諗過推返佢上正軌嘅,不過有時見到啲朋友仔留言話一個早餐Post令佢哋自己沉悶嘅一日多咗一次笑容,我覺得呢個緊要過我個早餐,畢竟開心無價。生活當中嘅苦我哋各自都有,但係可以氹吓大家開心係我同遮遮嘅福份。It’s ok」。網民紛紛大讚軒仔貼心:「多謝你為我增添好多歡樂, 令我日日期待你食咩早餐」、「你真係好Sweet,多謝你。」

點擊睇軒仔「精美」早餐:

+43
+43
+43


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。