黃翠如坐遊艇出海帶餅印五妹同行 網友:睇足5分鐘先分到

撰文:
最後更新日期:

黃翠如五姐妹感情相當好。(IG:@wongtsuiyu)

黃翠如一家五姐妹,各自有一片天,佢曾經喺訪問中講過完成了父母所堅持的「一定要大學畢業」後,五姊妹各自投身社會工作,翠如不禁用「全家都好怪」去形容。不過佢地感情一直都相當好,最近翠如同唐詩詠出海,都有帶埋五妹黃曉琪,網友仲話佢地好似餅印一樣﹗

黃翠如早前同唐詩詠出海,帶埋五妹黃曉琪。(IG:@natalietong53)

黃翠如曾經接受《香港01》專訪時,不禁用「全家都好怪」去形容:「二妹本身在英國做旅遊記者,後來去賣雞蛋仔,現在回流香港,她準備去賣跌打酒(笑),她本身對這些古老東西非常感興趣。」另一個細妹一邊做設計一邊學茶道、而另一個妹則先後去到上海、泰國學廚「佢每年賣兩幅畫,然後用這筆錢去學廚,所以銀行戶口大部分時間沒什麼積蓄,她們的世界比我大很多,為了追夢原來可以這麼勇敢,我係好羨慕,亦覺得好偉大。」

右邊就係黃翠如五妹黃曉琪。(IG:@natalietong53)

呢日翠如同唐詩詠分別貼出合照,佢地相約出海散心,同行仲有翠如五妹,唐詩詠留言話:「妹妹好得意。」唔止得意,其中一張逆光三人合照,網友仲話睇足5分鐘先分到邊個係翠如。其實五妹黃曉琪Ellen,2016年中大藝術系畢業,當年拍過網上宣傳片時,已被發現同翠如初出道相當似樣,氣質清純,不過之後未見有更多幕前演出。黃氏五姊妹全部學有所成。大家姐黃翠紅係工程師,同容祖兒王祖藍係同班同學。黃翠如排行第二,老三黃麗茵係藝術家,開餐廳將食物同藝術融為一體;四妹黃曉芙係CNN旅遊編輯,於倫敦定居開舖賣港式雞蛋仔,五妹黃曉琪則畢業於中大藝術系。

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。