憑《香港愛情故事》成視后大熱 龔嘉欣有信心：時機啱啱好
撰文：邱愛霖
出版：更新：
無綫大騷《衝上雲霄大選》今晚（26/12）舉辦決賽，正式對撼ViuTV的《全民造星》總決賽。問龔嘉欣看畢一班參賽者綵排後，會否有信心TVB能夠搶收視，是否毫不擔心，她直言：「有冇擔心唔係我答啦，因為我係嘉賓，我盡我所能幫佢哋演好一場戲就得啦。」
龔嘉欣出席《衝上雲霄大選》。（劉志源攝）
至於問會否認為入行13年已到時侯奪下視后，她形容是時機啱啱好：「唔係話攞獎，而喺演戲上面，𠵱家嘅我都成熟咗，反而係期望之後會演咩角色。」
至於《堅離地愛堅離地》終於獲TVB批准出街，會否覺得公司幫手谷人氣，捧她做視后，她稱：「我嚟緊喺公司第13年啦，自己一步一步由零開始建立到今日，雖然唔係好清楚節目編排，不過都好開心拍完咁耐套劇可以畀觀眾睇。」她亦透露有忠實粉絲有留意她13年來的進步，令她相當感動。
粉絲有留意她13年來的進步，對此她相當感動。（劉志源攝）
談及套劇拍完兩年半後終出街，她說：「好早就知道會抽起，但我哋係被動嘅。唔緊要啦，兩年半後出街，所有嘢都啱啱好。冇得去計囉！」
同場加映：衝上雲霄大選｜眾星紅地氈放棄高貴性感晚裝 Do姐機師look最出位
+21