55歲曾華倩近年養尊處優，閒時與周潤發苗僑偉等好友行山，喺社交網分享生活。1月1號係佢囝囝林浩賢（Martin）22歲生日，曾華倩貼出阿仔小時候及近日嘅溫馨母子照。

曾華倩2002年同商人林肇基結束6年婚姻後，就一心一意湊大囝囝，眼見囝囝對游水有興趣，十年來不辭勞苦接送返放學練水，依家Martin已成為港隊游泳代表。見到廿年前後母子照，曾華倩美貌依舊，但身邊囝囝己經近2米高，攬住囝囝曾華倩秒變小鳥依人，相當幸福。