萬千星輝2020｜龔嘉欣再奪最受歡迎電視女角色 爆喊：成績表好好
撰文：黃欣華
出版：更新：
TVB《萬千星輝頒獎典禮2020》「最受歡迎電視女角色」由龔嘉欣憑《香港愛情故事》邱凱琪一角奪得！獎項由陳豪以宣萱頒發，繼奪得「馬來西亞最喜愛TVB女主角」之後再攞獎，嘉欣在台上講道：「我真係冇諗過再喺頒獎禮台上面，我係TVB嚟緊13年，好想再多謝公司咁多年嘅栽培，多謝監製、編審，同埋有份演出《香港愛情故事》的同事，特別係羅天宇。我覺得今年成績表考好好，有4部劇集出街。頭先有幾位好朋友漏咗多謝，姚子、陳凱琳同佢兩位仔仔、譚凱琪......最後最後我好想多謝我喺天上面嘅爺爺，好多謝你冇嬲我放棄學業，咁任性去選擇做演員，我以後一定做得更加好！」
恭喜晒嘉欣！（電視截圖）
Katy與羅天宇在《香港愛情故事》中飾演夫妻，深受觀眾喜愛。（IG@lawjoey）
+76