楊卓娜透露今年將與燈箱大王楊志翹註冊:佢成日同我求婚

撰文:陳芷穎
出版:更新:

楊卓娜今日(2/2)現身新城電台為節目錄音,席間她談到自己的人生設計學並指最重要是活在當下:「以前完全冇設計,而家就Simple is the Best,盡量用最簡單嘅態度活在當下,要開心。目前努力工作,做好每一個角色,照顧好屋企。」

楊卓娜現身新城電台為節目錄音,席間她談到自己的人生設計學並指最重要是活在當下。(葉志明攝)

提到妹妹楊茜堯的囡囡「小珍珠」,卓娜稱已有兩、三個月沒有見面:「阿妹離開咗香港兩、三個月我都係去咗一次,首先我阿媽好怕我周圍走帶咗啲菌去,都唔想太近距離接觸小朋友同老人家,所以少時間探佢,我哋連做冬都冇一齊,希望阿妹、妹夫喺內地工作完返嚟可以開開心心食個團年飯。有時見到『小珍珠』好可愛,控制唔到。」

早前卓娜自爆誕女11年卻未與「燈箱大王」楊志翹註冊,她說今年會考慮完成簽紙儀式:「都有諗過,佢成日都同我求婚,大家放心我哋好穩陣,如果大家都想我完成呢個環節,希望疫情快啲過,我可以完成我未完成嘅環節。」

早前卓娜自爆誕女11年卻未與「燈箱大王」楊志翹註冊,她說今年會考慮完成簽紙儀式。(葉志明攝)

廚藝了得的卓娜不時在IG上載親手炮製的美食照片,她說臨近新年即將上載一條YouTube下廚教學片:「比較懶,之前希望一個月至少有一條,而家拍咗冇時間剪。有時要兩個月先有一條片,嚟緊新年會有一條教大家整貴妃糕,全家都啱食嘅養生小食。」

一向保養得宜的她亦有分享心得以及秘訣:「首先要保持身心開朗,懂得釋放壓力,要做運動。日常生活飲食唔好太放縱,唔好成日大魚大肉、煙酒,要飲下湯水、護膚,食養生嘅Supplement。基本上我喺屋企唔出門口,都唔會坐係張凳度,會Keep住郁,覺得個人精神啲。」

+3