「直播帶貨」成近年內地最佳營銷方式之一，就連舒淇、古天樂、劉德華亦與內地平台合作，獻出人生第一次帶貨。自疫情爆生之後，香港亦開始興起直播帶貨，本身經營商場免費Wifi嘅Sonic接受《星期日檔案》訪問時透露，其促銷旌品由化妝品到生活雜物，平均每場直播營業額有六位數，但營運大半年都無錢賺，點解呢？「直播完之後，客服、包裝、送貨等全部都係成本，有六位數唔等如賺六位數，最終都唔知有無一成。」

Sonic表示所賣嘅產品一般都係坊間嘅六折，每次直播前都會親自測試貨品質量，而佢亦都曾經參考內地嘅藝人直播帶貨，但認為香港並唔可行。「香港人比較理性，需要專業去解釋產品到底可以點幫助到自己，點解要同我買而唔係喺出面買。」他指內地直播叫賣偏誇張，香港並不適用。